<首次植睫毛 短暫而快樂的美麗>
眼睛係靈魂之窗，睫毛更係女人魅力所在重要一部分，所以一直以來，即使素顏我都會堅持夾下睫毛，令成個人睇落精神啲。
由細到大好多人讚我睫毛好長，但愈大個女，睫毛似乎愈唔「曉」，有諗過電眼睫毛，但最近在fb見到植眼睫毛有超優惠價$3xx 100條睫毛，我就即日book去做喇。
登登登。睇張圖，未做之前，睫毛都幾長。美睫師話我本身睫毛長度足足去到12mm，所以幫我植14mm假睫毛，效果就會更突出喇。
坊間不少店舖都提供一對一服務，即一條真眼睫毛上植上一條假眼睫毛，效果亦會較自然，所以唔使擔心效果太誇張。
今次揀呢間做，除左因為價錢平，佢仲標榜用美國的防敏膠水，呢樣好重要！否則的話，做完雙眼可能會感到刺痛，萬一釀至雙眼發炎就得不償失了，愛靚記得要同時愛命啊。
植睫毛過程足足用咗2.5小時，我終於明白，呢個優惠同時用作培訓新美睫師。幸好效果唔錯，即使落妝後都依然保持到大眼，成功製造假素顏效果。
可惜植眼睫毛只會保持3至4星期，我做完已經踏入第3星期，假睫毛已甩得七七八八喇。
Search